Woordeboek van Afrikaans Vandag

Bygewerk op 29 Maart 2025

Redakteur: Jana Luther | Help ons | Woordewisseling | Podsendings

Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat meestal nog nié in ander woordeboeke staan nie – intyds hier versamel en in Pharos Aanlyn bygewerk. Sedert 2024 word, met toestemming, ook taalrubrieke, -podsendings en ander -insetsels stelselmatig bygevoeg. Dit kry jy slegs hier. Tik ’n woord in die soekkassie en vind dit dadelik, indien dit opgeneem is – ook Engelse woorde. Let op dat jy moet aandui of jy in die woordeboek of rubrieke wil soek. Onthou dat ’n lewende woordeboek, nes Afrikaans, heeltyd groei en verander. Neem aan ons leesprogram deel en help ons!

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

poeierhol s.nw. | poeierholle | (informeel, neerbuigend, kwetsend) iemand met ’n meerderwaardige houding, wat ydel is, aanstellerig, hoogmoedig en verwaand, wat oordryf om aandag te trek, en dergelike: › Hierdie dames shop by Woolies en ry dikgat 4x4’s soos Pajero’s of Fortuners. Poeierholle sal ook met groot oë vir jou die wonders van nuwe handelsmerke soos Hyundai of Kia besing. ’n Poeierhol glo dat die prys van ’n item die aanduiding van kwaliteit is: Hulle sal duisende spandeer op ’n Smeg-ketel net om hulle ander poeierholvriendinne te beïndruk (Nini Bennett, LitNet, 19 Oktober 2023). › Die ouer poeierholle het jare gelede afrondingskole bygewoon waar hulle geleer het om fyn te onthaal en te sit soos ’n queen (Nini Bennett, LitNet, 19 Oktober 2023). › Poeierholle kompeteer heeltyd met ander mense [...] Baie van die Kaapse poeierholle se tuine is uitgelê met nylongras [...] Die Kaapse poeierholle hou van sosiale outings soos wynproe in die Stellenbosch- of Franschhoek-omgewing, en poeierholma’s gee vir hulle dogters etiketboeke (die tweede bybel) van tannie Emsie en haar opvolger, Nataniël, vir hulle 21ste verjaardag (Nini Bennett, LitNet, 19 Oktober 2023). › Wees lekker ... Moet nie ’n poeierhol wees nie (Facebook, 4 November 2020). › Poeierhol ... Dis nou ’n oulike woord wat vandag sy weg tot by my gevind het. Dit word gebruik om ’n aanstellerige persoon te beskryf. Julle almal weet waarvan ek praat: daardie mense wat dink hulle poep parfuum ... duur, ingevoerde, eau de parfum (Chantelle de Wet, Die Woordenaar, 20 Junie 2017).

samestelling(s):
poeierholkorps
poeierholtannie: › En toe gebeur dit weer. Poeierholtannies wat pik op iemand wat haarself nie kan verdedig nie oor sy nie kan tik soos hulle nie (Facebook, 26 Oktober 2020).
poeierholvriendin

Die stereotipering van vroue

Let wel
As ’n soekwoord nie as trefwoord opgeneem is nie, word dit in ander artikels vertoon, indien dit voorkom. Soek dan met CTRL-F om sulke voorbeelde op jou rekenaarskerm uit te lig. Jy kan ook met spesiale karakters soek. Kyk hier onder.

Please note
This dictionary mainly contains words, meanings and expressions that have not yet been included in other Afrikaans dictionaries, together with a collection of language columns, blogs, video inserts and podcasts. If a search word is not included as a headword, examples of the word in other entries (definitions, usage examples, usage notes, etc) are displayed, if they occur. Then search with CTRL-F to highlight such examples on your screen.

Podsendkanaal

Artikels, rubrieke en ander bydraes van 2025

● As jy meer van jou hond hou as van mense (Netwerk24)

● Verwaand is nou verwant aan waansin (Netwerk24)

● Japie my skapie moet dalk liefs ’n kraak maak (Netwerk24)

● Weet jy wat is die agtste ‘bot’ se betekenis? (Netwerk24)

● Taalgoggas wat baie laat struikel (Netwerk24)

● Jana se reis met woorde (Afrikaans100)

● Oor bottels, flesse, vate, kuipe, balies ... (RSG)

● Welkom in die tyd van die Soetkoek-eters (Netwerk24)

● So maak jy met ’n motor wat in die modder sit (Netwerk24)

● Oor kalbasse en kruike en ander holgoed (RSG)

Besigtig die volledige lys taalrubrieke, podsendings en nog ander blogs en artikels hier.

Soek met spesiale karakters

Simbool	Funksie	Voorbeeld
"..."	Frase	"ten opsigte van"
_	Een ontbrekende karakter	cal_one
%	Enige aantal ontbrekende karakters	ka%abidiol
/1-9	Binne dié getal woorde van mekaar, in dié volgorde	"wat lei"/7
@1-9	Binne dié getal woorde van mekaar, in enige volgorde	"wat lei"@7
&	Vind al twee	virus & epidemie
\|	Vind die een of die ander	virus \| epidemie
#	Vind die een of die ander, maar nie al twee nie	virus # epidemie

Hierdie woordeboek is aan geen ander woordeboekprojek verbonde nie en word deur niemand geldelik gesteun nie. Dit is ’n onafhanklike inisiatief van die redakteur in haar vrye tyd.