Woordeboek van Afrikaans Vandag

Bygewerk op 5 Februarie 2025

Redakteur: Jana Luther | Help ons | Woordewisseling | Podsendings

Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat meestal nog nié in ander woordeboeke staan nie – intyds hier versamel en in Pharos Aanlyn bygewerk. Sedert 2024 word, met toestemming, ook ’n groot versameling taalrubrieke, -podsendings en ander -insetsels stelselmatig bygevoeg. Dit kry jy slegs hier. Tik ’n woord in die soekkassie en vind dit dadelik, indien dit opgeneem is – ook Engelse woorde. Let op dat jy moet aandui in watter bron jy wil soek, of in albei. Onthou dat ’n lewende woordeboek, nes Afrikaans, heeltyd groei en verander. Neem aan ons leesprogram deel en help ons!

Getal trefwoorde vandag: 3 318 (woordeboek) | 222 (rubrieke)

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

herstelknoppie s.nw. | herstelknoppies | (rekenaar) knoppie wat gedruk word om vorige opdragte en veranderinge ongedaan te maak sodat alles weer is soos dit oorspronklik was. ◊ (ook figuurlik): › Staan elke 20 minute op om jou bene te rek. Jou liggaam vind heelwat baat daarby om kort-kort die spiere te rek. Dink daaraan as ’n herstelknoppie vir jou liggaam waarmee jy die negatiewe uitwerking van die lang sittery teenwerk (Vida Booysen, Netwerk24, 29 November 2015).
◌ ENGELS: reset button

UITDRUKKING(S):
♦ die herstelknoppie druk iets ongedaan maak, vernietig of nietig verklaar, of 'n bestaande toestand omkeer met die doel om opnuut/vars te begin: › [Die nuwe party] versinnebeeld ’n basiese drang by die meeste kiesers dat die herstelknoppie gedruk moet word en ’n beter, burger-georiënteerde Suid-Afrika verbeel word met die klem op oplossings eerder as retoriek en politiekery (Max du Preez, Vrye Weekblad, 21 April 2023). › Reg van die begin van die pandemie al verklaar [die president] gereeld dat die herstelknoppie gedruk moet word; dat ons nou 'n ideale geleentheid het om 'n heel nuwe, getransformeerde ekonomie op die as van Covid 19 te bou (Max du Preez, Vrye Weekblad, 16 Junie 2020). › Stel ’n doenlys vir môre op of maak ’n foonoproep wat jy uitgestel het. Die verandering van pas sal die herstelknoppie in jou trae, oorlaaide brein druk (Huisgenoot, 31 Oktober 2019).

Let wel
Kies in watter bron(ne) jy wil soek. As ’n soekwoord nie as trefwoord opgeneem is nie, word voorbeelde van die woord in ander artikels vertoon, indien dit voorkom. Soek dan met CTRL-F om sulke voorbeelde op jou rekenaarskerm uit te lig. Kyk hier onder hoe jy ook met behulp van spesiale karakters kan soek.

Please note
This dictionary mainly contains words, meanings and expressions that have not yet been included in other Afrikaans dictionaries, together with a collection of language columns, blogs, video inserts and podcasts. If a search word is not included as a headword, examples of the word in other entries (definitions, usage examples, usage notes, etc) are displayed, if they occur. Then search with CTRL-F to highlight such examples on your screen.

Podsendkanaal

Artikels, rubrieke en ander bydraes van 2025

● Weet jy wat is die agtste ‘bot’ se betekenis? (Netwerk24)

● Taalgoggas wat baie laat struikel (Netwerk24)

● Jana se reis met woorde (Afrikaans100)

● Oor bottels, flesse, vate, kuipe, balies ... (RSG)

● Welkom in die tyd van die Soetkoek-eters (Netwerk24)

● So maak jy met ’n motor wat in die modder sit (Netwerk24)

● Oor kalbasse en kruike en ander holgoed (RSG)

Besigtig die volledige lys taalrubrieke, podsendings en nog ander blogs en artikels hier.

Soek met spesiale karakters

Simbool	Funksie	Voorbeeld
"..."	Frase	"ten opsigte van"
_	Een ontbrekende karakter	cal_one
%	Enige aantal ontbrekende karakters	ka%abidiol
/1-9	Binne dié getal woorde van mekaar, in dié volgorde	"wat lei"/7
@1-9	Binne dié getal woorde van mekaar, in enige volgorde	"wat lei"@7
&	Vind al twee	virus & epidemie
\|	Vind die een of die ander	virus \| epidemie
#	Vind die een of die ander, maar nie al twee nie	virus # epidemie

Hierdie woordeboek is aan geen ander woordeboekprojek verbonde nie en word deur niemand geldelik gesteun nie. Dit is ’n onafhanklike inisiatief van die redakteur in haar vrye tyd.