Bygewerk op 4 September 2021
Redakteur: Jana Luther

Help ons | Blogs en artikels | Woordwisseling | Podsendings | Speletjies | Teksredaksie

Van Oktober 2019 af word hedendaagse taalgebruik – nuwe woorde, betekenisse, uitdrukkings, asook ouer vorme wat dalk elders in die slag gebly het – in dié Woordeboek van Afrikaans Vandag bewerk. Met uitsondering van beeld, klank en addisionele teks word die artikels ook in Pharos Aanlyn opgeneem. Tik ’n woord in die kassie en vind dié woord dadelik, indien dit opgeneem is – ook Engelse woorde. Onthou dat dit ’n lewende woordeboek is wat heeltyd groei en verander. Sluit aan by ons leesprogram en help ons.

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

Camissa s.nw. [geen meervoud] plek waar die water soet is – as naam vir Kaapstad: Nog voor die gragte se bestaan het die Khoi-gemeenskap die gebied onder Tafelberg Camissa genoem, wat beteken “plek van soete water”, juis oor die strome water en fonteine in die skadu van die berg (Marelize Barnard, 2 Desember 2016). Jy behoort jouself veel eerder te assosieer met die geografiese identifikasie as ’n boorling van die plek wat oorspronklik deur die inheemse groepe gedoop is //Khammis Ssa (“soete water vir almal”), gekreoliseer tot die hedendaagse Camissa (Heindrich Wyngaard, Netwerk24, 2 Oktober 2020). | ENGELS: Camissa
Camissa-Afrikaan | Camissa-Afrikane | bruin Afrikaan: Ons wat ons steeds bruin mense noem, is dan inderwaarheid “Camissa-Afrikane”. Dit is tyd om as “bruin mens” te bedank en dié nuwe identiteit aan te neem (Heindrich Wyngaard, Netwerk24, 2 Oktober 2020). Wat egter ten hemele roep, is Vearey se oortuiging dat sy verwydering deel is van ’n doelbewuste veldtog [...] om van mense soos hy, wat hy en Patriq Tariq Mellet (skrywer van The Lie of 1652) Camissa-Afrikane noem, ontslae te raak (Heindrich Wyngaard, Vrye Weekblad, 11 Junie 2021).

OORSPRONG:
Khoi //ammi-i-sa die water is soet


 Nuut: Red ons van Plastiekengels (rubriek) | Son en skaduwee (rubriek)

Soek met spesiale karakters

SimboolFunksieVoorbeeld
"..."Frase"ten opsigte van"
_Een ontbrekende karaktercal_one
%Enige aantal ontbrekende karakterska%abidiol
/1-9Binne dié getal woorde van mekaar, in dié volgorde"wat lei"/7
@1-9Binne dié getal woorde van mekaar, in enige volgorde"wat lei"@7
&Vind al tweevirus & epidemie
|Vind die een of die andervirus | epidemie
#Vind die een of die ander, maar nie al twee nievirus # epidemie

Hierdie woordeboek is nié aan enige ander projek verbind nie en word deur niemand geldelik gesteun nie; dit is ’n eie inisiatief en ’n aparte, onafhanklike projek van die redakteur en gebruikers wat via die leesprogram daaraan meewerk.

Kopiereg © 2020-2021 Jana Luther