Woordeboek van Afrikaans Vandag

Bygewerk op 5 Februarie 2025

Redakteur: Jana Luther | Help ons | Woordewisseling | Podsendings

Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat meestal nog nié in ander woordeboeke staan nie – intyds hier versamel en in Pharos Aanlyn bygewerk. Sedert 2024 word, met toestemming, ook ’n groot versameling taalrubrieke, -podsendings en ander -insetsels stelselmatig bygevoeg. Dit kry jy slegs hier. Tik ’n woord in die soekkassie en vind dit dadelik, indien dit opgeneem is – ook Engelse woorde. Let op dat jy moet aandui in watter bron jy wil soek, of in albei. Onthou dat ’n lewende woordeboek, nes Afrikaans, heeltyd groei en verander. Neem aan ons leesprogram deel en help ons!

Getal trefwoorde vandag: 3 318 (woordeboek) | 222 (rubrieke)

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

voerfonds s.nw. | voerfondse | (ekonomie)
Ook voerderfonds | voerderfondse |
fonds of portefeulje wat, afgesien van bates in likiede vorm, belê in ’n enkele portefeulje van ’n kollektiewe beleggingskema wat sy eie koste hef: › In die geval van ’n regstreekse belang in ’n buitelandse fonds word die wins teen die lokomarkkoers na rand omgeskakel en dienooreenkomstig belas, terwyl die geldeenheid se verandering in berekening gebring word wanneer die kapitaalwins in ’n randgedenomineerde Suid-Afrikaanse voerfonds bereken word. Dit beteken dat as die rand verswak, dit belastingdoeltreffender is as jy regstreeks in ’n buitelandse effektetrust belê het, terwyl jy minder belasting in ’n randgedenomineerde voerfonds sal betaal as dit versterk (Finweek, 12 April 2018). › Met ’n belegging in randgedenomineerde beleggingsopsies of ander voerfondse is jou belegging en valutablootstelling buitelands, maar jy belê in rand en kry betalings in rand, met ander woorde jou geld verlaat Suid-Afrika nie fisiek nie, maar jou kapitaal beskik oor al die voordele van buitelandse belegging, insluitende kapitalisering op depresiasie van die rand, as dit wel plaasvind (Finweek, 9 Junie 2016). › Beleggings in voerfondse is basies soos om in effektetrusts te belê. Jy teken ’n debietorder vir ’n paar honderd per maand, maar jy kry oorsese blootstelling [...] Hoewel dit maklik is vir beleggers om in voerfondse te belê, kan dit ook riskant wees omdat die opbrengs wat in rand uitgedruk word, gekoppel is aan die rand se bewegings (Liesl Peyper, Rapport, 2020). › Baie beleggers hou van randgedenomineerde voerfondse weens die persepsie dat dit ingewikkeld is om om belasting- en Reserwebankklaring aansoek te doen ten einde regstreeks in die buiteland te belê (Amanda Visser, Finweek, 2019). › Hierdie nuwe beursverhandelde fonds (EFT) is ’n voerderfonds (Simon Brown, Finweek, 16 Julie 2020).
◌ ENGELS: feeder fund

Let wel
Kies in watter bron(ne) jy wil soek. As ’n soekwoord nie as trefwoord opgeneem is nie, word voorbeelde van die woord in ander artikels vertoon, indien dit voorkom. Soek dan met CTRL-F om sulke voorbeelde op jou rekenaarskerm uit te lig. Kyk hier onder hoe jy ook met behulp van spesiale karakters kan soek.

Please note
This dictionary mainly contains words, meanings and expressions that have not yet been included in other Afrikaans dictionaries, together with a collection of language columns, blogs, video inserts and podcasts. If a search word is not included as a headword, examples of the word in other entries (definitions, usage examples, usage notes, etc) are displayed, if they occur. Then search with CTRL-F to highlight such examples on your screen.

Podsendkanaal

Artikels, rubrieke en ander bydraes van 2025

● Weet jy wat is die agtste ‘bot’ se betekenis? (Netwerk24)

● Taalgoggas wat baie laat struikel (Netwerk24)

● Jana se reis met woorde (Afrikaans100)

● Oor bottels, flesse, vate, kuipe, balies ... (RSG)

● Welkom in die tyd van die Soetkoek-eters (Netwerk24)

● So maak jy met ’n motor wat in die modder sit (Netwerk24)

● Oor kalbasse en kruike en ander holgoed (RSG)

Besigtig die volledige lys taalrubrieke, podsendings en nog ander blogs en artikels hier.

Soek met spesiale karakters

Simbool	Funksie	Voorbeeld
"..."	Frase	"ten opsigte van"
_	Een ontbrekende karakter	cal_one
%	Enige aantal ontbrekende karakters	ka%abidiol
/1-9	Binne dié getal woorde van mekaar, in dié volgorde	"wat lei"/7
@1-9	Binne dié getal woorde van mekaar, in enige volgorde	"wat lei"@7
&	Vind al twee	virus & epidemie
\|	Vind die een of die ander	virus \| epidemie
#	Vind die een of die ander, maar nie al twee nie	virus # epidemie

Hierdie woordeboek is aan geen ander woordeboekprojek verbonde nie en word deur niemand geldelik gesteun nie. Dit is ’n onafhanklike inisiatief van die redakteur in haar vrye tyd.