Woordeboek van Afrikaans Vandag

Bygewerk op 20 Julie 2024

Redakteur: Jana Luther | Help ons | Woordewisseling | Podsendings

Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat meestal nog nié in ander woordeboeke staan nie – intyds hier versamel en maandeliks in Pharos Aanlyn bygewerk. Van November 2023 af word, met toestemming, ook ’n groot versameling taalrubrieke, -podsendings en ander -insetsels stelselmatig bygevoeg. Dit kry jy slegs hier. Tik ’n woord in die soekkassie en vind dit dadelik, indien dit in een van of in albei hierdie bronne opgeneem is – ook Engelse woorde. Onthou dat ’n lewende woordeboek, nes Afrikaans, heeltyd groei en verander. Neem aan ons leesprogram deel en help ons!

Getal trefwoorde vandag: 3 502

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

intifada s.nw. | intifadas | (Arabies) volksopstand of beweging van massaweerstand, dikwels met inbegrip van gewapende stryd, teen ’n magstruktuur of buitestanderregering, veral met verwysing na die opstand van Palestyne teen Israel se besetting van Palestynse gebiede – die Gazastrook en Wesoewer (van die Jordaanrivier): › In Ian Black se uitstekende boek Enemies and Neighbours lees jy dat die Israelse weermag net in die eerste drie weke van die Intifada (Palestynse opstand) van 1999-2000 een miljoen koeëls afgevuur het (Gert van der Westhuizen, Netwerk24, 29 Januarie 2024). › Hamas is gestig kort ná die eerste Intifada (opstand) in 1987 met die ideaal om met gewapende weerstand die Israeliese besetting van Gaza en die Wesoewer te beëindig (Piet Croucamp, Vrye Weekblad, 13 Oktober 2023). › Die gewelddadige Palestynse betogings het saamgeval met die elfde herdenking van die begin van die 1987-1993-“intifada” of heilige oorlog teen Israeliese besetting (Die Burger, 12 Desember 1998). › Maar toe word Rabin in 1995 deur ’n Joodse terroris vermoor [...] Geeneen van sy opvolgers het meer as lippediens aan die tweestaat-oplossing bewys nie; in die praktyk was hul beleid maar hoofsaaklik om die Palestyne op hul plek te hou. Die gevolg was twee intifadas (“opstande”) wat die betrekkinge tussen die Joodse Israeli’s en die Palestyne (selfs die Arabiessprekende Israeli’s) ernstig versuur het (Leopold Scholtz, Netwerk24, 13 Mei 2018 ).

oorsprong:
Arabies, intifāḍah, “optrek (teen)”.

Let wel
As ’n soekwoord nie as trefwoord opgeneem is nie, word voorbeelde van die woord in ander artikels vertoon, indien dit voorkom. Soek dan met CTRL-F om sulke voorbeelde op jou rekenaarskerm uit te lig.

Please note
This dictionary mainly contains words, meanings and expressions that have not yet been included in other Afrikaans dictionaries, together with a collection of language columns, blogs, video inserts and podcasts. If a search word is not included as a headword, examples of the word in other entries (definitions, usage examples, usage notes, etc) are displayed, if they occur. Then search with CTRL-F to highlight such examples on your screen.

Rubrieke en podsendings van 2024

Dis Kersfees in Julie, gevul met sespuntkristalle (Netwerk24)

Jagluiperds se fluit fnuik tot die voëltjies (Netwerk24)

Kelkiewyn dra kosbare water in sy verevag (Netwerk24)

Vermy omgang met kêskuikens en melkbaarde (Netwerk24)

Kannie is dood. Lank lewe kannie! (Netwerk24)

Bruilof-wortels lê geanker in rituele (Netwerk24)

Word daar nog saans stories in jou huis vertel? (Netwerk24)

Dit is waar ’n babbeljoentjie vandaan kom (Netwerk24)

Dalk is dit nou tyd vir Red-’n-Woord-projek? (Netwerk24)

“Engels hou só Afrikaans se arms omhoog” (Netwerk24)

“Ek doen” (Netwerk24)

Afrikaans is ’n steentjie in die Afrikamosaïek (Netwerk24)

Luister mooi, stilbly is ook ’n antwoord (Netwerk24)

Die bouwerk wat ons help uitstyg (Netwerk24)

Dikdood of op ’n wilde perd die nuwe jaar in (Netwerk24)

Soek met spesiale karakters

Simbool	Funksie	Voorbeeld
"..."	Frase	"ten opsigte van"
_	Een ontbrekende karakter	cal_one
%	Enige aantal ontbrekende karakters	ka%abidiol
/1-9	Binne dié getal woorde van mekaar, in dié volgorde	"wat lei"/7
@1-9	Binne dié getal woorde van mekaar, in enige volgorde	"wat lei"@7
&	Vind al twee	virus & epidemie
\|	Vind die een of die ander	virus \| epidemie
#	Vind die een of die ander, maar nie al twee nie	virus # epidemie

Hierdie woordeboek is aan geen ander woordeboekprojek verbonde nie en word deur niemand geldelik gesteun nie. Dit is ’n onafhanklike inisiatief van die redakteur in haar vrye tyd.