Woordeboek van Afrikaans Vandag

Bygewerk op 29 Maart 2025

Redakteur: Jana Luther | Help ons | Woordewisseling | Podsendings

Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat meestal nog nié in ander woordeboeke staan nie – intyds hier versamel en in Pharos Aanlyn bygewerk. Sedert 2024 word, met toestemming, ook taalrubrieke, -podsendings en ander -insetsels stelselmatig bygevoeg. Dit kry jy slegs hier. Tik ’n woord in die soekkassie en vind dit dadelik, indien dit opgeneem is – ook Engelse woorde. Let op dat jy moet aandui of jy in die woordeboek of rubrieke wil soek. Onthou dat ’n lewende woordeboek, nes Afrikaans, heeltyd groei en verander. Neem aan ons leesprogram deel en help ons!

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

grafeen s.nw. [geen meervoud] tweedimensionele materiaal wat bestaan uit ’n enkele laag koolstofatome wat gerangskik is op ’n rooster met ’n heksagonale struktuur, wat die basiselement van ander vorme (= allotrope) van koolstof vorm: › Vir die eerste keer is natuurlik gevormde grafeen in 3,2 miljard jaar oue rots onder in ’n Suid-Afrikaanse goudmyn ontdek (Nuusberigte, 26 Julie 2023). › Gevorderde materiale word losweg omskryf as materiale wat ontwerp is om gevorderde eienskappe te hê wat beter is as materiale wat tradisioneel gebruik word. ’n Nóg omvattender omskrywing sluit materiale in wat konsekwent stygende vraag danksy tegnologiese vooruitgang en daarom groter nuttigheid ondervind. ’n Voorbeeld van ’n nuwe mark hier is die mark vir grafeen, ’n materiaal wat [...] tot onlangs toe net in universiteitslaboratoriums vervaardig is (Petri Redelinghuys, Finweek, 1 Maart 2019). › Al bestaan dit uit net een laag atome is grafeen ongelooflik sterk. Dit is ’n uitstekende geleier van elektrisiteit, kan gebuig word sonder om te breek, en is amper deursigtig, wat lig toelaat om daardeur te gaan (ChatGPT, 26 Julie 2023). › Die uitsonderlike termiese geleidingsvermoë van grafeen maak dit geskik vir hittebestuurtoepassings. › Grafeen laat geen standaardgas of -vloeistof deur nie, wat dit potensieel nuttig maak vir die vervaardiging van versperrings en filtreerders.
◌ ENGELS: graphene

Let wel
As ’n soekwoord nie as trefwoord opgeneem is nie, word dit in ander artikels vertoon, indien dit voorkom. Soek dan met CTRL-F om sulke voorbeelde op jou rekenaarskerm uit te lig. Jy kan ook met spesiale karakters soek. Kyk hier onder.

Please note
This dictionary mainly contains words, meanings and expressions that have not yet been included in other Afrikaans dictionaries, together with a collection of language columns, blogs, video inserts and podcasts. If a search word is not included as a headword, examples of the word in other entries (definitions, usage examples, usage notes, etc) are displayed, if they occur. Then search with CTRL-F to highlight such examples on your screen.

Podsendkanaal

Artikels, rubrieke en ander bydraes van 2025

● As jy meer van jou hond hou as van mense (Netwerk24)

● Verwaand is nou verwant aan waansin (Netwerk24)

● Japie my skapie moet dalk liefs ’n kraak maak (Netwerk24)

● Weet jy wat is die agtste ‘bot’ se betekenis? (Netwerk24)

● Taalgoggas wat baie laat struikel (Netwerk24)

● Jana se reis met woorde (Afrikaans100)

● Oor bottels, flesse, vate, kuipe, balies ... (RSG)

● Welkom in die tyd van die Soetkoek-eters (Netwerk24)

● So maak jy met ’n motor wat in die modder sit (Netwerk24)

● Oor kalbasse en kruike en ander holgoed (RSG)

Besigtig die volledige lys taalrubrieke, podsendings en nog ander blogs en artikels hier.

Soek met spesiale karakters

Simbool	Funksie	Voorbeeld
"..."	Frase	"ten opsigte van"
_	Een ontbrekende karakter	cal_one
%	Enige aantal ontbrekende karakters	ka%abidiol
/1-9	Binne dié getal woorde van mekaar, in dié volgorde	"wat lei"/7
@1-9	Binne dié getal woorde van mekaar, in enige volgorde	"wat lei"@7
&	Vind al twee	virus & epidemie
\|	Vind die een of die ander	virus \| epidemie
#	Vind die een of die ander, maar nie al twee nie	virus # epidemie

Hierdie woordeboek is aan geen ander woordeboekprojek verbonde nie en word deur niemand geldelik gesteun nie. Dit is ’n onafhanklike inisiatief van die redakteur in haar vrye tyd.