Woordeboek van Afrikaans Vandag
Bygewerk op 5 Februarie 2025
Redakteur: Jana Luther | Help ons | Woordewisseling | Podsendings
Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat meestal nog nié in ander woordeboeke staan nie – intyds hier versamel en in Pharos Aanlyn bygewerk. Sedert 2024 word, met toestemming, ook ’n groot versameling taalrubrieke, -podsendings en ander -insetsels stelselmatig bygevoeg. Dit kry jy slegs hier. Tik ’n woord in die soekkassie en vind dit dadelik, indien dit opgeneem is – ook Engelse woorde. Let op dat jy moet aandui in watter bron jy wil soek, of in albei. Onthou dat ’n lewende woordeboek, nes Afrikaans, heeltyd groei en verander. Neem aan ons leesprogram deel en help ons!
Getal trefwoorde vandag: 3 318 (woordeboek) | 222 (rubrieke)
lugbraaier s.nw. | lugbraaiers | kooktoestel waarin kos gaargemaak word deur warm lug wat deur geforseerde konveksie (= met behulp van ’n waaier) vinnig daarom sirkuleer: › Daai nuwe lugbraaier se gladde laai, se industriële gebrom, se snipperige “PING” as hy klaar is – nee. ’n Mens mis die oop vlak van die stoof en die groot warm oopmaak van die oond (Loftus Marais, Rapport, 5 Februarie 2023). › Die lugbraaier werk deur kos wat daarin geplaas word met ’n dun lagie olie te bedek terwyl die sirkulerende lug tot 200 °C verhit word om ’n bros lagie om die kos te vorm. › Sit die pasta in ’n lugbraaier en braai tot goud en bros (onthou om af en toe die mandjie te skud) (Sarie, 26 Julie 2021). › ’n Konveksieoond, ook bekend as ’n lugbraaier, het die koswêreld aan die gons. Ons gee idees oor hoe om dié wonder-oondjie ten volle te benut (Esther Malan, Huisgenoot, 7 Mei 2021). › Die lugbraaier verseker dat die hoender sappig bly en die velletjie bros (Esther Malan, Huisgenoot, 7 Mei 2021). › Resep vir aartappelskyfies in lugbraaier (christavanstaden.com, 4 Mei 2021). › Lugbraaiers sit in al die kombuise – klein moderne kassies. Dis mos “makliker, goedkoper, gesonder”. Die mantra. Daar’s iets selfingenome aan daai braaier. Hy sit toebek en futuristies. Laat my dink aan die food replicators op TV in Star Trek toe ek klein was – te kil en wetenskaplik om met iets morsig en menslik soos kosmaak te make te hê (Lofus Marais, Rapport, 5 Februarie 2023).
◌ SINONIEM(E): konveksieoond | (informeel, skertsend) waaierbraaier
◌ ENGELS: air fryer
ling
linguistiek
liplek-
liplekker
liplek-lekker
litmus
LKHV
LLDPE
LLM
lmk
lobby
loep
loerbroer-tegnologie
lojaliteitspunte
lol
lont
Loslitafrikaans
Loslitdag
loslitdrag
losprysware
LTE
lugaanhalingstekens
lugbegrafnis
lugbraaier
lugtaxi
luidier
luikansie
luisterblog
luisterblogger
luistertaal
lus
lyfgaatjie
lyfjuwele
lyfkamera
lyfkuns
lyfprieming
lyn
lysartikel
M2M
maaf
maagkrul
macchiato
Machina sapiens
madeleine
Madiba
madrassa
mafianiseer