Woordeboek van Afrikaans Vandag

Bygewerk op 5 Februarie 2025

Redakteur: Jana Luther | Help ons | Woordewisseling | Podsendings

Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat meestal nog nié in ander woordeboeke staan nie – intyds hier versamel en in Pharos Aanlyn bygewerk. Sedert 2024 word, met toestemming, ook ’n groot versameling taalrubrieke, -podsendings en ander -insetsels stelselmatig bygevoeg. Dit kry jy slegs hier. Tik ’n woord in die soekkassie en vind dit dadelik, indien dit opgeneem is – ook Engelse woorde. Let op dat jy moet aandui in watter bron jy wil soek, of in albei. Onthou dat ’n lewende woordeboek, nes Afrikaans, heeltyd groei en verander. Neem aan ons leesprogram deel en help ons!

Getal trefwoorde vandag: 3 318 (woordeboek) | 222 (rubrieke)

Soek in:

eenogigheid s.nw. [geen meervoud] (figuurlik) nou uitkyk; onvermoë om die volledige prentjie te sien: Waarmee ons sit, is ’n [...] regerende party wat hom skaar by outokrasieë wat geen strategiese of ekonomiese voordeel vir ons inhou nie [...] As mens dit ontleed, kom dit neer op óf eenogigheid óf dat die regering heimlik wens hy kan Suid-Afrika met dieselfde ysterhand regeer as wat Rusland en China doen en wegdoen met die nonsens van demokrasie (Vrye Weekblad, 11 November 2022). Die stryd oor die amptelike status van Afrikaans is deurspek met eenogigheid (Netwerk24, 5 Oktober 2021). Hy [Breyten Breytenbach] is in verset teen alle vorme van magsuitoefening, stagnering, kleinburgerlikheid, benepenheid, eenogigheid en die onderdrukking van kreatiwiteit. Sy gemoeidheid met taal blyk enersyds uit sy afkeer van taal wat inperk en dogmaties word, en andersyds uit sy voorkeur vir taal wat geestesverruiming en kreatiwiteit bevorder – onderskeidelik “woorde wat vaspen” en “woorde wat oopmaak” (Ronel de Goede Foster, Willie Burger, Rapport, 8 Desember 2019).
SINONIEM(E): tonnelvisie
◌ TEENOOR: breë uitkyk

ENGELS: one-eyedness


Let wel
Kies in watter bron(ne) jy wil soek. As ’n soekwoord nie as trefwoord opgeneem is nie, word voorbeelde van die woord in ander artikels vertoon, indien dit voorkom. Soek dan met CTRL-F om sulke voorbeelde op jou rekenaarskerm uit te lig. Kyk hier onder hoe jy ook met behulp van spesiale karakters kan soek.

Please note
This dictionary mainly contains words, meanings and expressions that have not yet been included in other Afrikaans dictionaries, together with a collection of language columns, blogs, video inserts and podcasts. If a search word is not included as a headword, examples of the word in other entries (definitions, usage examples, usage notes, etc) are displayed, if they occur. Then search with CTRL-F to highlight such examples on your screen.


  Podsendkanaal

  Artikels, rubrieke en ander bydraes van 2025

Weet jy wat is die agtste ‘bot’ se betekenis? (Netwerk24)

Taalgoggas wat baie laat struikel (Netwerk24)

Jana se reis met woorde (Afrikaans100)

● Oor bottels, flesse, vate, kuipe, balies ... (RSG)

Welkom in die tyd van die Soetkoek-eters (Netwerk24)

So maak jy met ’n motor wat in die modder sit (Netwerk24)

● Oor kalbasse en kruike en ander holgoed (RSG)

Besigtig die volledige lys taalrubrieke, podsendings en nog ander blogs en artikels hier.


Soek met spesiale karakters

SimboolFunksieVoorbeeld
"..."Frase"ten opsigte van"
_Een ontbrekende karaktercal_one
%Enige aantal ontbrekende karakterska%abidiol
/1-9Binne dié getal woorde van mekaar, in dié volgorde"wat lei"/7
@1-9Binne dié getal woorde van mekaar, in enige volgorde"wat lei"@7
&Vind al tweevirus & epidemie
|Vind die een of die andervirus | epidemie
#Vind die een of die ander, maar nie al twee nievirus # epidemie

Hierdie woordeboek is aan geen ander woordeboekprojek verbonde nie en word deur niemand geldelik gesteun nie. Dit is ’n onafhanklike inisiatief van die redakteur in haar vrye tyd.

Kopiereg © 2020-2025 Jana Luther