Woordeboek van Afrikaans Vandag

Bygewerk op 20 Julie 2024

Redakteur: Jana Luther | Help ons | Woordewisseling | Podsendings

Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat meestal nog nié in ander woordeboeke staan nie – intyds hier versamel en maandeliks in Pharos Aanlyn bygewerk. Van November 2023 af word, met toestemming, ook ’n groot versameling taalrubrieke, -podsendings en ander -insetsels stelselmatig bygevoeg. Dit kry jy slegs hier. Tik ’n woord in die soekkassie en vind dit dadelik, indien dit in een van of in albei hierdie bronne opgeneem is – ook Engelse woorde. Onthou dat ’n lewende woordeboek, nes Afrikaans, heeltyd groei en verander. Neem aan ons leesprogram deel en help ons!

Getal trefwoorde vandag: 3 502

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

bystanddood s.nw. [gewoonlik enkelvoud] ◌ Ook bystandsdood ◌ selfdood wat met die hulp van iemand anders uitgevoer of toegepas word: › Wat is bystanddood? Bystanddood is ’n oorkoepelende term wat kan beteken bystand-selfdood, waar A ’n middel aan B verskaf, wat dit dan gebruik om te sterf. Dit kan ook volgens [prof. Willem] Landman “aktiewe, willekeurige genadedood” beteken: B versoek genadedood en A verskaf die middel en wend dit aan, ingevolge waarvan B sterf. B maak altyd ’n outonome en vrye wilsbesluit om te sterf, sonder dwang of druk in terme van sy of haar gekose waardes (Willemien Brümmer, Netwerk24, 12 Desember 2023). › G. verwys na die doodswet, wat in die parlement ter tafel is. Met dié wet sal terminaal siekes wettiglik voorskrifmedikasie by hul dokters kan kry wat uiteindelik tot hul dood sal lei. Dit word as bystanddood beskou. Genadedood, daarteenoor, geld in die geval waar ’n dokter self die medikasie toedien as die pasiënt te swak is om dit self te doen (Ivor Price, Kuier, 17 Oktober 2018). › Ons almal het nodig om groter inspraak te hê oor einde-van-lewe-besluite, maar daarvoor benodig ons inligting oor byvoorbeeld lewensondersteuning en behandeling wat ons lewensgehalte beperk. Bystandsdood word na aanleiding van gevallestudies bespreek (Juliana Coetzer, Rapport, 13 Desember 2020). › Hoop op wettige bystandsdood in Suid-Afrika vlam op (Netwerk24, 8 September 2018). ◌ SINONIEM(E): bystandselfdood | bystandsterfte | geassisteerde selfdood ◌ ENGELS: (physician-)assisted suicide

KYK OOK: selfdood

samestelling(s):
bystanddood-aktivis

Let wel
As ’n soekwoord nie as trefwoord opgeneem is nie, word voorbeelde van die woord in ander artikels vertoon, indien dit voorkom. Soek dan met CTRL-F om sulke voorbeelde op jou rekenaarskerm uit te lig.

Please note
This dictionary mainly contains words, meanings and expressions that have not yet been included in other Afrikaans dictionaries, together with a collection of language columns, blogs, video inserts and podcasts. If a search word is not included as a headword, examples of the word in other entries (definitions, usage examples, usage notes, etc) are displayed, if they occur. Then search with CTRL-F to highlight such examples on your screen.

Rubrieke en podsendings van 2024

Dis Kersfees in Julie, gevul met sespuntkristalle (Netwerk24)

Jagluiperds se fluit fnuik tot die voëltjies (Netwerk24)

Kelkiewyn dra kosbare water in sy verevag (Netwerk24)

Vermy omgang met kêskuikens en melkbaarde (Netwerk24)

Kannie is dood. Lank lewe kannie! (Netwerk24)

Bruilof-wortels lê geanker in rituele (Netwerk24)

Word daar nog saans stories in jou huis vertel? (Netwerk24)

Dit is waar ’n babbeljoentjie vandaan kom (Netwerk24)

Dalk is dit nou tyd vir Red-’n-Woord-projek? (Netwerk24)

“Engels hou só Afrikaans se arms omhoog” (Netwerk24)

“Ek doen” (Netwerk24)

Afrikaans is ’n steentjie in die Afrikamosaïek (Netwerk24)

Luister mooi, stilbly is ook ’n antwoord (Netwerk24)

Die bouwerk wat ons help uitstyg (Netwerk24)

Dikdood of op ’n wilde perd die nuwe jaar in (Netwerk24)

Soek met spesiale karakters

Simbool	Funksie	Voorbeeld
"..."	Frase	"ten opsigte van"
_	Een ontbrekende karakter	cal_one
%	Enige aantal ontbrekende karakters	ka%abidiol
/1-9	Binne dié getal woorde van mekaar, in dié volgorde	"wat lei"/7
@1-9	Binne dié getal woorde van mekaar, in enige volgorde	"wat lei"@7
&	Vind al twee	virus & epidemie
\|	Vind die een of die ander	virus \| epidemie
#	Vind die een of die ander, maar nie al twee nie	virus # epidemie

Hierdie woordeboek is aan geen ander woordeboekprojek verbonde nie en word deur niemand geldelik gesteun nie. Dit is ’n onafhanklike inisiatief van die redakteur in haar vrye tyd.