Woordeboek van Afrikaans Vandag

Bygewerk op 5 Februarie 2025

Redakteur: Jana Luther | Help ons | Woordewisseling | Podsendings

Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat meestal nog nié in ander woordeboeke staan nie – intyds hier versamel en in Pharos Aanlyn bygewerk. Sedert 2024 word, met toestemming, ook ’n groot versameling taalrubrieke, -podsendings en ander -insetsels stelselmatig bygevoeg. Dit kry jy slegs hier. Tik ’n woord in die soekkassie en vind dit dadelik, indien dit opgeneem is – ook Engelse woorde. Let op dat jy moet aandui in watter bron jy wil soek, of in albei. Onthou dat ’n lewende woordeboek, nes Afrikaans, heeltyd groei en verander. Neem aan ons leesprogram deel en help ons!

Getal trefwoorde vandag: 3 318 (woordeboek) | 222 (rubrieke)

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

vuisstamp

♦ s.nw. | vuisstampe | groet of gelukwensing waarby twee mense die kneukels van hul vuiste teen mekaar bring: › Dit was vir die gr. 7-leerling [...] ’n hoogtepunt dat Jeandré Rudolph, die Cheetahs se kaptein en agsteman, vir hom ’n vuisstamp gegee het voordat hulle uitgedraf het, sê sy pa (Marita Herselman, Netwerk24, 4 September 2023). › ’n Vergadering om een van die wêreld se belangrikste diplomatieke verhoudinge te herstel het gevolg met Biden se aankoms by die koninklike paleis, waar hy Mohammed bin Salman, die Saoedi-kroonprins, met ’n vuisstamp gegroet het, berig Associated Press (Netwerk24, 15 Julie 2022). › Daar is darem nog hier en daar ’n vlietende vastrapplek, dink jy, terwyl ’n man ’n entjie weg uit ’n motor klim en ’n vuisstamp met [’n ander man] deel (Henry Cloete, Vrye Weekblad, 5 Maart 2021). › Drukkies, vatvyfs en vuisstampe (Huisgenoot, 11 Oktober 2018). › Hulle troetel hul gangsta-klere en ontwerperstoppels, gee mekaar beerdrukke en vuisstampe en snater oor niks (Leon van Nierop, Netwerk24, 5 Julie 2015).
◌ ENGELS: fist bump

♦ ww. | het vuisgestamp | met ’n vuisstamp groet of gelukwens: › Hulle stamp vuis. › Daar word gegroet en vuisgestamp. › Die twee het vuisgestamp en toe gaan sit.

samestelling(s):
vuisstampgroet

Let wel
Kies in watter bron(ne) jy wil soek. As ’n soekwoord nie as trefwoord opgeneem is nie, word voorbeelde van die woord in ander artikels vertoon, indien dit voorkom. Soek dan met CTRL-F om sulke voorbeelde op jou rekenaarskerm uit te lig. Kyk hier onder hoe jy ook met behulp van spesiale karakters kan soek.

Please note
This dictionary mainly contains words, meanings and expressions that have not yet been included in other Afrikaans dictionaries, together with a collection of language columns, blogs, video inserts and podcasts. If a search word is not included as a headword, examples of the word in other entries (definitions, usage examples, usage notes, etc) are displayed, if they occur. Then search with CTRL-F to highlight such examples on your screen.

Podsendkanaal

Artikels, rubrieke en ander bydraes van 2025

● Weet jy wat is die agtste ‘bot’ se betekenis? (Netwerk24)

● Taalgoggas wat baie laat struikel (Netwerk24)

● Jana se reis met woorde (Afrikaans100)

● Oor bottels, flesse, vate, kuipe, balies ... (RSG)

● Welkom in die tyd van die Soetkoek-eters (Netwerk24)

● So maak jy met ’n motor wat in die modder sit (Netwerk24)

● Oor kalbasse en kruike en ander holgoed (RSG)

Besigtig die volledige lys taalrubrieke, podsendings en nog ander blogs en artikels hier.

Soek met spesiale karakters

Simbool	Funksie	Voorbeeld
"..."	Frase	"ten opsigte van"
_	Een ontbrekende karakter	cal_one
%	Enige aantal ontbrekende karakters	ka%abidiol
/1-9	Binne dié getal woorde van mekaar, in dié volgorde	"wat lei"/7
@1-9	Binne dié getal woorde van mekaar, in enige volgorde	"wat lei"@7
&	Vind al twee	virus & epidemie
\|	Vind die een of die ander	virus \| epidemie
#	Vind die een of die ander, maar nie al twee nie	virus # epidemie

Hierdie woordeboek is aan geen ander woordeboekprojek verbonde nie en word deur niemand geldelik gesteun nie. Dit is ’n onafhanklike inisiatief van die redakteur in haar vrye tyd.