Bygewerk op 2 Maart 2024

Redakteur: Jana Luther | Help ons | Weekliks | Woordewisseling | Podsendings | Teksredaksie

Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat meestal nog nié in ander woordeboeke staan nie – intyds hier versamel en maandeliks in Pharos Aanlyn bygewerk. Van November 2023 af word, met toestemming, ook ’n groot versameling taalrubrieke, -podsendings en ander -insetsels stelselmatig bygevoeg. Dit kry jy slegs hier. Tik ’n woord in die soekkassie en vind dit dadelik, indien dit in een van of in albei hierdie bronne opgeneem is – ook Engelse woorde. Onthou dat ’n lewende woordeboek, nes Afrikaans, heeltyd groei en verander. Neem deel aan ons leesprogram en help ons!

Getal trefwoorde vandag: 3 449

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

padel s.nw. [geen meervoud] spel, soortgelyk aan tennis, wat op ’n baan met agter- en symure gespeel word met ’n snaarlose raket, min of meer so groot soos ’n strandraket, en ’n bal soortgelyk aan ’n tennisbal, gewoonlik deur twee spanne met twee spelers elk: Net in Spanje is daar alreeds meer as 20 000 bane en meer as 57 lande speel al padel. Sodra 75 lande dit speel kan dit kwalifiseer as Olimpiese-sport [...] Elk geval, padel het in 1969 ontstaan toe die Meksikaan Enrique Corcuera besluit het om die muurbalbaan by sy huis bietjie te “modify” sodat hy ’n paar nuwe dinge kan probeer. En soos enige goeie kultus ’n vader kort, word Enrique vandag gesien as die vader van padel (Bouwer Bosch, Vrye Weekblad, 1 Maart 2024). Omdat die baan omtrent die helfte so groot is soos ’n tennisbaan, noem ek dit ’n “low skill sport”. Jy hoef nie hard te slaan nie en die reëls is baie eenvoudig [...] Die tellingsisteem werk presies soos met tennis. Die bal is ’n katspoegie kleiner as ’n tennisbal, maar jy sal dit nie eens agterkom nie. Padel gaan nie oor spoed of krag nie, dit gaan oor geduld en taktiek (Bouwer Bosch, Vrye Weekblad, 1 Maart 2024). Padel is een van die vinnigs groeiende sportsoorte ter wêreld. En sedert die eerste bane laat in 2020 in SA gebou is, het dit behoorlik hier vlamgevat (Suzette Truter, Sarie, 20 November 2023 ).SINONIEM(E): padeltennisENGELS: padel | padel tennis

oorsprong:
Spaans pádel raket.


samestellings:
padelbaan: Alhoewel daar tans meer padelbane as NG kerke in Suid Afrika is, grens dit dalk aan ’n kultus (Bouwer Bosch, Vrye Weekblad, 1 Maart 2024).
padelwedstryd


Let wel
As ’n soekwoord nie as trefwoord opgeneem is nie, word voorbeelde van die woord in ander artikels vertoon, indien dit voorkom. Soek dan met CTRL-F om sulke voorbeelde op jou rekenaarskerm uit te lig.

Please note
This dictionary mainly contains words, meanings and expressions that have not yet been included in other Afrikaans dictionaries, together with a collection of language columns, blogs, video inserts and podcasts. If a search word is not included as a headword, examples of the word in other entries (definitions, usage examples, usage notes, etc) are displayed, if they occur. Then search with CTRL-F to highlight such examples on your screen.


  Rubrieke en podsendings van 2024

“Ek doen” (Netwerk24)

Afrikaans is ’n steentjie in die Afrikamosaïek (Netwerk24)

Luister mooi, stilbly is ook ’n antwoord (Netwerk24)

Die bouwerk wat ons help uitstyg (Netwerk24)

Dikdood of op ’n wilde perd die nuwe jaar in (Netwerk24)


Soek met spesiale karakters

SimboolFunksieVoorbeeld
"..."Frase"ten opsigte van"
_Een ontbrekende karaktercal_one
%Enige aantal ontbrekende karakterska%abidiol
/1-9Binne dié getal woorde van mekaar, in dié volgorde"wat lei"/7
@1-9Binne dié getal woorde van mekaar, in enige volgorde"wat lei"@7
&Vind al tweevirus & epidemie
|Vind die een of die andervirus | epidemie
#Vind die een of die ander, maar nie al twee nievirus # epidemie

Hierdie woordeboek is aan geen ander woordeboekprojek verbonde nie en word deur niemand geldelik gesteun nie. Dit is ’n onafhanklike inisiatief van die redakteur in haar vrye tyd.

Kopiereg © 2020-2024 Jana Luther