Woordeboek van Afrikaans Vandag

Bygewerk op 29 Maart 2025

Redakteur: Jana Luther | Help ons | Woordewisseling | Podsendings

Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat meestal nog nié in ander woordeboeke staan nie – intyds hier versamel en in Pharos Aanlyn bygewerk. Sedert 2024 word, met toestemming, ook taalrubrieke, -podsendings en ander -insetsels stelselmatig bygevoeg. Dit kry jy slegs hier. Tik ’n woord in die soekkassie en vind dit dadelik, indien dit opgeneem is – ook Engelse woorde. Let op dat jy moet aandui of jy in die woordeboek of rubrieke wil soek. Onthou dat ’n lewende woordeboek, nes Afrikaans, heeltyd groei en verander. Neem aan ons leesprogram deel en help ons!

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

sopstorie s.nw. | sopstories | (via Engels, informeel) sentimentele verhaal, vertelling of storie wat by die hoorder, leser of kyker medelye, meegevoel, jammerhartigheid wek: › Om in Afrikaans te sing en te skryf raak iets aan in my […] So ja, om ’n baie lang sopstorie kort te maak: toe ek myself my eie liedjie hoor sing in Afrikaans, het ek geweet iets het verskuif binne-in my (Amanda Lamprecht, LitNet, 11 Oktober 2016). › “Ken jy ander Afrikaanse bedelaars? Staan almal hoek?” “Ja, baie. En nee jy kry baie soorte. Ons is hoekstaanders. Daar is drentelaars wat strate vat en by huise aanklop met ’n sopstorie. Dan die regte 'down en outers’ wat asblikke krap. Hulle soek net zol en trein. Daar is ook die wat net sit en vrek. Hulle hou nie lank nie” (LitNet, 28 September 2010). › Toe ons by haar kamertjie instap, kom sy met die sopstorie haar radio en selfoon en ander goed is uit haar kamer gesteel (Die Burger, 16 September 2005). › ’n Lekker boek vir die Kerskous! […] Daar is grappe oor grootmense, sappige sopstories en eksamenflaters en daar is raaiselgrappe oor diere en mense (Beeld, 13 Desember 2004). › Dis so skreiend herkenbaar dat ’n mens wil protesteer: plagiaat! En tog. Wat voorspelbaar behoort te wees, is opnuut fassinerend. Wat stink van geyktheid, nael jou vas in verwondering. Die selle ou sopstorie, maar wegkyk kan jy nie (Beeld, 10 Januarie 1997).
◌ ENGELS: sob story

oorsprong:
Volksetimologiese vervorming.

Let wel
As ’n soekwoord nie as trefwoord opgeneem is nie, word dit in ander artikels vertoon, indien dit voorkom. Soek dan met CTRL-F om sulke voorbeelde op jou rekenaarskerm uit te lig. Jy kan ook met spesiale karakters soek. Kyk hier onder.

Please note
This dictionary mainly contains words, meanings and expressions that have not yet been included in other Afrikaans dictionaries, together with a collection of language columns, blogs, video inserts and podcasts. If a search word is not included as a headword, examples of the word in other entries (definitions, usage examples, usage notes, etc) are displayed, if they occur. Then search with CTRL-F to highlight such examples on your screen.

Podsendkanaal

Artikels, rubrieke en ander bydraes van 2025

● As jy meer van jou hond hou as van mense (Netwerk24)

● Verwaand is nou verwant aan waansin (Netwerk24)

● Japie my skapie moet dalk liefs ’n kraak maak (Netwerk24)

● Weet jy wat is die agtste ‘bot’ se betekenis? (Netwerk24)

● Taalgoggas wat baie laat struikel (Netwerk24)

● Jana se reis met woorde (Afrikaans100)

● Oor bottels, flesse, vate, kuipe, balies ... (RSG)

● Welkom in die tyd van die Soetkoek-eters (Netwerk24)

● So maak jy met ’n motor wat in die modder sit (Netwerk24)

● Oor kalbasse en kruike en ander holgoed (RSG)

Besigtig die volledige lys taalrubrieke, podsendings en nog ander blogs en artikels hier.

Soek met spesiale karakters

Simbool	Funksie	Voorbeeld
"..."	Frase	"ten opsigte van"
_	Een ontbrekende karakter	cal_one
%	Enige aantal ontbrekende karakters	ka%abidiol
/1-9	Binne dié getal woorde van mekaar, in dié volgorde	"wat lei"/7
@1-9	Binne dié getal woorde van mekaar, in enige volgorde	"wat lei"@7
&	Vind al twee	virus & epidemie
\|	Vind die een of die ander	virus \| epidemie
#	Vind die een of die ander, maar nie al twee nie	virus # epidemie

Hierdie woordeboek is aan geen ander woordeboekprojek verbonde nie en word deur niemand geldelik gesteun nie. Dit is ’n onafhanklike inisiatief van die redakteur in haar vrye tyd.