Bygewerk op 30 Oktober 2024

Redakteur: Jana Luther | Help ons | Woordewisseling | Podsendings

Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat meestal nog nié in ander woordeboeke staan nie – intyds hier versamel en gereeld in Pharos Aanlyn bygewerk. Van November 2023 af word, met toestemming, ook ’n groot versameling taalrubrieke, -podsendings en ander -insetsels stelselmatig bygevoeg. Dit kry jy slegs hier. Tik ’n woord in die soekkassie en vind dit dadelik, indien dit in een van of in albei hierdie bronne opgeneem is – ook Engelse woorde. Onthou dat ’n lewende woordeboek, nes Afrikaans, heeltyd groei en verander. Neem aan ons leesprogram deel en help ons!

Getal trefwoorde vandag: 3 502

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

ivermektien s.nw. [geen meervoud, ook met ’n hoofletter] (veeartsenykunde) middel teen parasiete soos dermwurms, parasitiese myte en luise by vee: Die gebruik van die anti-parasitiese middel ivermektien om covid te voorkom of behandel, het gelei tot ’n ongekende sprong in die aantal gevalle van vergiftiging in Suid-Afrika (Vrye Weekblad, 17 Augustus 2022). Die Gesondheidsprodukte-beheerraad (Sahpra) het toestemming gegee dat ivermektien onder streng voorwaardes ingevoer en vir Covid-19-pasiënte voorgeskryf kan word (Rapport, 21 Februarie 2021). Ivermektien is ’n geneesmiddel vir parasitiese infeksies wat veral in veterinêre geneeskunde gebruik word [...] Die middel het ’n verlammende effek op parasiete wat uiteindelik die parasiet vernietig (Netwerk24, 8 Januarie 2021). ’n Wêreldwye polemiek het oor die middel ivermektien ontstaan. Dit word deur sommige kenners as ’n moontlike oplossing teen die Covid-19-virus beskou, maar in Suid-Afrika staan owerhede die gebruik van die middel teen omdat dit nie plaaslik vir menslike gebruik geregistreer is nie (Nico van Burick, Landbouweekblad, 7 Januarie 2021). Dr. Gerhard Verdoorn van die Griffon-gifinligtingsentrum sê mense waag hul lewe om ’n middel vir vee te gebruik. [...] Verdoorn sê sover hy weet, is die dosis waarteen ivermektien die koronavirus doodmaak, te hoog om vir mense toe te dien (Alet van der Walt, Netwerk24, 6 Januarie 2021).ENGELS: ivermectin

samestelling(s):
ivermektientablet
ivermektienvergiftiging


Let wel
As ’n soekwoord nie as trefwoord opgeneem is nie, word voorbeelde van die woord in ander artikels vertoon, indien dit voorkom. Soek dan met CTRL-F om sulke voorbeelde op jou rekenaarskerm uit te lig.

Please note
This dictionary mainly contains words, meanings and expressions that have not yet been included in other Afrikaans dictionaries, together with a collection of language columns, blogs, video inserts and podcasts. If a search word is not included as a headword, examples of the word in other entries (definitions, usage examples, usage notes, etc) are displayed, if they occur. Then search with CTRL-F to highlight such examples on your screen.


  Rubrieke en podsendings van 2024

Uitbundig uitgeput, maar hoera vir al die uitkykanties (Netwerk24)

Wat is 'n huis sonder sy lappies? (Netwerk24)

Lente se eerste komloertjie het geval (Netwerk24)

Taal ingespan vir diagnose van depressie (Netwerk24)

Afrikaners is plesierig dan baklei hulle so (Netwerk24)

In Afrikaans is dit 'n, nie ñ nie (Netwerk24)

As hartsmens identiteitsdief is wat gaslight (Netwerk24)

Dis Kersfees in Julie, gevul met sespuntkristalle (Netwerk24)

Jagluiperds se fluit fnuik tot die voëltjies (Netwerk24)

Kelkiewyn dra kosbare water in sy verevag (Netwerk24)

Vermy omgang met kêskuikens en melkbaarde (Netwerk24)

Kannie is dood. Lank lewe kannie! (Netwerk24)

Bruilof-wortels lê geanker in rituele (Netwerk24)

Word daar nog saans stories in jou huis vertel? (Netwerk24)

Dit is waar ’n babbeljoentjie vandaan kom (Netwerk24)

Dalk is dit nou tyd vir Red-’n-Woord-projek? (Netwerk24)

“Engels hou só Afrikaans se arms omhoog” (Netwerk24)

“Ek doen” (Netwerk24)

Afrikaans is ’n steentjie in die Afrikamosaïek (Netwerk24)

Luister mooi, stilbly is ook ’n antwoord (Netwerk24)

Die bouwerk wat ons help uitstyg (Netwerk24)

Dikdood of op ’n wilde perd die nuwe jaar in (Netwerk24)


Soek met spesiale karakters

SimboolFunksieVoorbeeld
"..."Frase"ten opsigte van"
_Een ontbrekende karaktercal_one
%Enige aantal ontbrekende karakterska%abidiol
/1-9Binne dié getal woorde van mekaar, in dié volgorde"wat lei"/7
@1-9Binne dié getal woorde van mekaar, in enige volgorde"wat lei"@7
&Vind al tweevirus & epidemie
|Vind die een of die andervirus | epidemie
#Vind die een of die ander, maar nie al twee nievirus # epidemie

Hierdie woordeboek is aan geen ander woordeboekprojek verbonde nie en word deur niemand geldelik gesteun nie. Dit is ’n onafhanklike inisiatief van die redakteur in haar vrye tyd.

Kopiereg © 2020-2024 Jana Luther