Woordeboek van Afrikaans Vandag

Bygewerk op 20 Junie 2025

Redakteur: Jana Luther | Help ons | Woordewisseling | Podsendings

Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat meestal nog nié in ander woordeboeke staan nie – intyds hier versamel en in Pharos Aanlyn bygewerk. Sedert 2024 word, met toestemming, ook taalrubrieke, -podsendings en ander -insetsels stelselmatig bygevoeg. Dit kry jy slegs hier. Tik ’n woord in die soekkassie en vind dit dadelik, indien dit opgeneem is – ook Engelse woorde. Let op dat jy moet aandui of jy in die woordeboek of rubrieke wil soek. Onthou dat ’n lewende woordeboek, nes Afrikaans, heeltyd groei en verander. Neem aan ons leesprogram deel en help ons!

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

ekspat s.nw. | ekspats | (via Engels, informeel) Ook (Engels) expat

1 iemand wat burgerskap van sy of haar eie land prysgegee het om ’n burger van ’n ander land te word: › ’n Kantoorpark in Edenvale aan die Oosrand is die laaste plek waar jy ’n outentieke Italiaanse deli sal verwag. Te oordeel aan ’n groot deel van C. se kliënte, Italiaanse ekspats wat deur die produkte snuffel op soek na ’n ordentlike bottel passata of ’n vars ciabatta, weet jy jy is op die regte plek (Carla Lewis, Netwerk24, 3 Oktober 2020).
◌ SINONIEM(E): uitgewekene
2 iemand wat woon en werk in ’n ander land as die land waarvan hy of sy burgerskap het, dikwels tydelik, om werkredes: › Die lewe van ’n ekspat is lekker – tot op ’n punt. Ek wou nooit Suid-Afrika permanent verlaat nie. Dit was bloot vir die avontuur (Rapport, 2 April 2023). › Amsterdam is vol Suid-Afrikaanse ekspats (Hanri Wondergem, Netwerk24, 1 April 2023). › Die eiendomsagentskap [...] word oorval met belangstelling in duur huise landwyd van veral oorsese superrykes en Suid-Afrikaners wat in die buiteland werk (ekspats) (Netwerk24, 7 Julie 2021).
◌ ENGELS: expat | expatriate

samestelling(s):
ekspat-belasting: › Die instelling van die ekspat-belasting het baie Suid-Afrikaners wat die land verlaat het, maar dit nog nie formeel as emigrasie afgehandel het nie, laat wonder of dit nie beter sal wees om eerder net te emigreer nie (Liana Mocke, Netwerk24, 23 Junie 2021).
ekspat-skrywer: › Ekspat-skrywers soos Marita van der Vyver, Zirk van den Berg, Eben Venter en Chris Karsten het stories geskryf vir die bundel (Sarie, 9 Maart 2023).
ekspat-storie: › “As ek kan liefhê” deur Eben Venter is die slotverhaal in Ver in die wêreld, ’n bundel met 23 ekspat-stories deur topskrywers, saamgestel deur Frederik de Jager (Rapport, 12 Februarie 2023).

Let wel
As ’n soekwoord nie as trefwoord opgeneem is nie, word dit in ander artikels vertoon, indien dit voorkom. Soek dan met CTRL-F om sulke voorbeelde op jou rekenaarskerm uit te lig. Jy kan ook met spesiale karakters soek. Kyk hier onder.

Please note
This dictionary mainly contains words, meanings and expressions that have not yet been included in other Afrikaans dictionaries, together with a collection of language columns, blogs, video inserts and podcasts. If a search word is not included as a headword, examples of the word in other entries (definitions, usage examples, usage notes, etc) are displayed, if they occur. Then search with CTRL-F to highlight such examples on your screen.

Artikels, rubrieke en ander bydraes van 2025

● Bolmakiesie van woke (LitNet)

● Apeneutjies en katjiebotter vir die slimjanne (Netwerk24)

● Gril jy jou ook dood vir ’n klamhandjie? (Netwerk24)

● Sal jy die toets kan slaag om te wys jy is mens? (Netwerk24)

● Alle konings is kêrels, maar nie alle kêrels konings nie (Netwerk24)

● Dalk is die pyn in jou hande whatsappitis (Netwerk24)

● As jy meer van jou hond hou as van mense (Netwerk24)

● Verwaand is nou verwant aan waansin (Netwerk24)

● Japie my skapie moet dalk liefs ’n kraak maak (Netwerk24)

● Weet jy wat is die agtste ‘bot’ se betekenis? (Netwerk24)

● Taalgoggas wat baie laat struikel (Netwerk24)

● Jana se reis met woorde (Afrikaans100)

● Oor bottels, flesse, vate, kuipe, balies ... (RSG)

● Welkom in die tyd van die Soetkoek-eters (Netwerk24)

● So maak jy met ’n motor wat in die modder sit (Netwerk24)

● Oor kalbasse en kruike en ander holgoed (RSG)

Besigtig die volledige lys taalrubrieke, podsendings en nog ander blogs en artikels hier.

Soek met spesiale karakters

Simbool	Funksie	Voorbeeld
"..."	Frase	"ten opsigte van"
_	Een ontbrekende karakter	cal_one
%	Enige aantal ontbrekende karakters	ka%abidiol
/1-9	Binne dié getal woorde van mekaar, in dié volgorde	"wat lei"/7
@1-9	Binne dié getal woorde van mekaar, in enige volgorde	"wat lei"@7
&	Vind al twee	virus & epidemie
\|	Vind die een of die ander	virus \| epidemie
#	Vind die een of die ander, maar nie al twee nie	virus # epidemie

Hierdie woordeboek is aan geen ander woordeboekprojek verbonde nie en word deur niemand geldelik gesteun nie. Dit is ’n onafhanklike inisiatief van die redakteur in haar vrye tyd.