Bygewerk op 21 Februarie 2021
Redakteur: Jana Luther

Van Oktober 2019 af word hedendaagse taalgebruik – nuwe woorde, nuwe betekenisse, nuwe uitdrukkings, asook oues wat dalk elders in die slag gebly het – hier bewerk. Met uitsondering van beeld, klank en addisionele teks word die artikels ook in Pharos Aanlyn opgeneem. Onthou dat dit ’n lewende woordeboek is wat heeltyd groei en verander. Sluit aan by ons leesprogram en help ons.

Klik hier vir die lewende woordeboek, wat deurlopend aangevul word:


Indeks | A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z | 1 | 2 | 3 | 4 | 5

501Y.V2 afk. Ook 501.V2 (patologie) variant van die virus EARS-CoV-2, wat covid-19 by mense veroorsaak en vir die eerste keer in die Nelson Mandela-metropool in die Oos-Kaapprovinsie van Suid-Afrika bespeur is: Sommige gesondheidsamptenare is bekommerd dat die huidige entstowwe nie effektief is teen die Suid-Afrikaanse variant nie. Die variant, bekend as 501Y.V2, is 50% meer aansteeklik en is reeds in 20 lande aangemeld (Netwerk24, 25 Januarie 2021). Prof. Salim Abdool Karim, voorsitter van die ministeriële advieskomitee oor Covid-19 [...] het ’n beroep gedoen dat die variant op sy naam genoem word: 501Y.V2 en nie “die Suid-Afrikaanse variant” nie (Elsabé Brits, Vrye Weekblad, 22 Januarie 2021).

5G afk., s.nw. [gewoonlik enkelvoud] vyfde generasie: 5G is ’n groot sprong nader aan die soort toekoms wat die sogenaamde vierde nywerheidsrevolusie inhou (Willem Kempen, Vrye Weekblad, 15 November 2019). | ENGELS: fifth generation | 5G
5G-dekking | Ook 5G-internetdekking internasionale standaard vir koordlose/mobiele toestelle en datanetwerke: Die datadiensverskaffer … het vandeesweek aangekondig dat die 5G-dekking wat hy sedert September op ’n proefgrondslag aan uitgesoekte kliënte gebied het, nou aan enigeen beskikbaar is (Willem Kempen, Vrye Weekblad, 15 November 2019 ).

5G-tegnologie Ook vyfdegenerasietegnologie vyfde generasie van draadlose slimtoestelle wat data teen ’n spoed van tot 100 gigabisse per sekonde kan op- en aflaai – dit is tot honderd keer vinniger as toestelle van die vorige generasie.

samestellings:
5G-kol |
5G-netwerk
: Die inligting is blitsvinnig oor ’n spesiale 5G-netwerk gestuur wat spesiaal vir die geleentheid opgestel is (Petrus Malherbe, Netwerk24, 8 Julie 2019).