Woordeboek van Afrikaans Vandag

Bygewerk op 30 Oktober 2024

Redakteur: Jana Luther | Help ons | Woordewisseling | Podsendings

Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat meestal nog nié in ander woordeboeke staan nie – intyds hier versamel en gereeld in Pharos Aanlyn bygewerk. Van November 2023 af word, met toestemming, ook ’n groot versameling taalrubrieke, -podsendings en ander -insetsels stelselmatig bygevoeg. Dit kry jy slegs hier. Tik ’n woord in die soekkassie en vind dit dadelik, indien dit in een van of in albei hierdie bronne opgeneem is – ook Engelse woorde. Onthou dat ’n lewende woordeboek, nes Afrikaans, heeltyd groei en verander. Neem aan ons leesprogram deel en help ons!

Getal trefwoorde vandag: 3 502

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

Nuwe taalreëls maak Afrikaans vriendelik

Die 1991-uitgawe van die Afrikaanse Woordelys en Spelreëls (AWS) moes al onder heelwat kritiek deurloop omdat dit glo te veel vryheid van spelling en skryfwyse toelaat. Beswaardes het dit veral teen al die gevalle waar daar nie nou meer net ’n reg of ’n verkeerd is nie, maar waar daar ’n keuse is. Hulle wil hê dat die Taalkommissie meer voorskriftelik te werk gaan en telkens óf ’n definitiewe ja óf ’n definitiewe nee as antwoord op die reg/verkeerd- vraag gee. Maar nou sê die Taalkommissie ja én nee en dit pla en verwar ’n klomp mense.

’n Argument teen keusemoontlikhede is dat die gebruiker duideliker leiding wil hê en dat dit lyk asof die Taalkommissie self nie weet wat hy wil hê nie en daarom maar sê: “Skryf en spel soos julle wil!” Dit is nie die geval nie. Waar daar in die AWS keusemoontlikhede aan die gebruiker gelaat word, is dit met voorbedagte rade gedoen. Dit geld ook vir die talle gevalle waar daar nie keusemoontlikhede is nie en waar dit óf reg óf verkeerd is.

Daar is ’n ou siening in die taalkunde dat die reëlmakers hulle moet steur aan die werklike taalgebruik en nie net aan hul eie voorkeure nie. Dit is wat die nuwe reëls wil doen: om Afrikaans te beskryf soos hy werklik gebruik word en om deur dié skryfwyses die kommunikasie so goed as moontlik te bewerkstellig. Deur nuwe reëls word Afrikaans vriendeliker gemaak. Maar daar sou ’n groot klomp onvriendelikheid gewees het as die Taalkommissie sou besluit dat al die mense wat wel die ou reëls onder die knie gehad en getrou toegepas het, nou nie meer reg skryf as hulle daardie reëls volg nie.

Johan Combrink, Taalgereedskap, 15 November 1993 © Die Burger, Netwerk24, Media24

Let wel
As ’n soekwoord nie as trefwoord opgeneem is nie, word voorbeelde van die woord in ander artikels vertoon, indien dit voorkom. Soek dan met CTRL-F om sulke voorbeelde op jou rekenaarskerm uit te lig.

Please note
This dictionary mainly contains words, meanings and expressions that have not yet been included in other Afrikaans dictionaries, together with a collection of language columns, blogs, video inserts and podcasts. If a search word is not included as a headword, examples of the word in other entries (definitions, usage examples, usage notes, etc) are displayed, if they occur. Then search with CTRL-F to highlight such examples on your screen.

Rubrieke en podsendings van 2024

Uitbundig uitgeput, maar hoera vir al die uitkykanties (Netwerk24)

Wat is 'n huis sonder sy lappies? (Netwerk24)

Lente se eerste komloertjie het geval (Netwerk24)

Taal ingespan vir diagnose van depressie (Netwerk24)

Afrikaners is plesierig dan baklei hulle so (Netwerk24)

In Afrikaans is dit 'n, nie ñ nie (Netwerk24)

As hartsmens identiteitsdief is wat gaslight (Netwerk24)

Dis Kersfees in Julie, gevul met sespuntkristalle (Netwerk24)

Jagluiperds se fluit fnuik tot die voëltjies (Netwerk24)

Kelkiewyn dra kosbare water in sy verevag (Netwerk24)

Vermy omgang met kêskuikens en melkbaarde (Netwerk24)

Kannie is dood. Lank lewe kannie! (Netwerk24)

Bruilof-wortels lê geanker in rituele (Netwerk24)

Word daar nog saans stories in jou huis vertel? (Netwerk24)

Dit is waar ’n babbeljoentjie vandaan kom (Netwerk24)

Dalk is dit nou tyd vir Red-’n-Woord-projek? (Netwerk24)

“Engels hou só Afrikaans se arms omhoog” (Netwerk24)

“Ek doen” (Netwerk24)

Afrikaans is ’n steentjie in die Afrikamosaïek (Netwerk24)

Luister mooi, stilbly is ook ’n antwoord (Netwerk24)

Die bouwerk wat ons help uitstyg (Netwerk24)

Dikdood of op ’n wilde perd die nuwe jaar in (Netwerk24)

Soek met spesiale karakters

Simbool	Funksie	Voorbeeld
"..."	Frase	"ten opsigte van"
_	Een ontbrekende karakter	cal_one
%	Enige aantal ontbrekende karakters	ka%abidiol
/1-9	Binne dié getal woorde van mekaar, in dié volgorde	"wat lei"/7
@1-9	Binne dié getal woorde van mekaar, in enige volgorde	"wat lei"@7
&	Vind al twee	virus & epidemie
\|	Vind die een of die ander	virus \| epidemie
#	Vind die een of die ander, maar nie al twee nie	virus # epidemie

Hierdie woordeboek is aan geen ander woordeboekprojek verbonde nie en word deur niemand geldelik gesteun nie. Dit is ’n onafhanklike inisiatief van die redakteur in haar vrye tyd.