Woordeboek van Afrikaans Vandag
Bygewerk op 5 Februarie 2025
Redakteur: Jana Luther | Help ons | Woordewisseling | Podsendings
Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat meestal nog nié in ander woordeboeke staan nie – intyds hier versamel en in Pharos Aanlyn bygewerk. Van November 2023 af word, met toestemming, ook ’n groot versameling taalrubrieke, -podsendings en ander -insetsels stelselmatig bygevoeg. Dit kry jy slegs hier. Tik ’n woord in die soekkassie en vind dit dadelik, indien dit in een van of in albei hierdie bronne opgeneem is – ook Engelse woorde. Onthou dat ’n lewende woordeboek, nes Afrikaans, heeltyd groei en verander. Neem aan ons leesprogram deel en help ons!
Getal trefwoorde vandag: 3 318 (woordeboek) | 222 (rubrieke)
matcha s.nw. [geen meervoud] (Japannees)
1 soort Japannese groentee, gewoonlik van die jongste, sagste blare van die Camellia sinensis-plant, wat in skaduwee groei, met die hand gepluk en dan gestoom word om oksidasie te voorkom en die kleur en geur te bewaar, waarna die blare gedroog en tot ’n fyn poeier gemaal word: › Matcha is ’n baie fyn hoëgehalte-groenteepoeier wat van die jong teebos (Camellia sinensis) se blare gemaak word. Dit kan tot sowat drie keer meer katesjol – wat selle teen vry radikale beskerm – as groentee bevat (Sarie, 1 September 2023). › Matcha bestaan al eeue lank as deel van die tradisionele Japannese groentee-seremonie [...] Dit word gemaak deur die blare van teeplante fyn te maal tot ’n poeiervorm (Retha Harmse, Netwerk24, 18 Augustus 2023). › Klits of roer eenvoudig jou matcha-poeier in ’n skeut warm water om ’n skuimerige pasta te vorm. Moenie kookwater gebruik nie, want dit verbrand die matcha en kan die geur bederf. Gooi dan jou matcha-mengsel oor in ’n koppie warm water om jou tee te maak of melk van jou keuse vir ’n latte (Netwerk24, 18 Augustus 2023).
◌ SINONIEM(E): matchapoeier
2 heldergroen, skuimerige tee met ’n kenmerkende, effens bitter, aardse geur met ’n sweempie soet, berei van matchapoeier, in Japannese teeseremonies tradisioneel met ’n bamboesklitser: › In ’n sekere sin kan jy sê dat matcha ’n spesiale vorm van groentee is, maar daar is belangrike verskille wat dit uniek maak. Die grootste verskil is die manier waarop dit geproduseer en berei word. Terwyl gewone groentee gemaak word deur teeblare te trek in kookwater en dan die blare te verwyder, behels die produksie van matcha-tee die proses van die fynmaal van die hele teeblare tot ’n poeiervorm en dan word kookwater bygevoeg (Retha Harmse, Netwerk24, 18 Augustus 2023). › Daar word aangevoer dat ’n koppie matcha gelyk is aan 10 koppies gewone groentee wat rykheid aan voedingstowwe betref (Lydia van der Merwe, Sarie, 27 Oktober 2022).
◌ ENGELS: matcha
samestelling(s):
matchalatte
matchatee
mansbolla
mansplikasie
manspliseer
mantismaan
mara
marabi
marakkas
maribi
Marie-Johanna van der Schijff
marmerbeeld
masala
masekind
masiet
masikande
masjied
masjienleer
maskanda
maskandi
maskie
masknee
masonja
massaskietery
massaskietvoorval
matcha
mattedjala
mbawula
Mbekiïet
MDPE
ME
medeskepselikheid
mediafluisteraar
mediaherrie
mediatiseer
mediatisering
mediawasmasjien
medikaan
Medisynebeheerraad
meerderhands
MeerKAT
meerkatmaan
megaboer
megaboerdery
megafter
meghefter
megoudie
melkkuns
melkmaan