Woordeboek van Afrikaans Vandag

Bygewerk op 2 Maart 2024

Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat meestal nog nié in ander woordeboeke staan nie – intyds hier versamel en maandeliks in Pharos Aanlyn bygewerk. Van November 2023 af word, met toestemming, ook ’n groot versameling taalrubrieke, -podsendings en ander -insetsels stelselmatig bygevoeg. Dit kry jy slegs hier. Tik ’n woord in die soekkassie en vind dit dadelik, indien dit in een van of in albei hierdie bronne opgeneem is – ook Engelse woorde. Onthou dat ’n lewende woordeboek, nes Afrikaans, heeltyd groei en verander. Neem deel aan ons leesprogram en help ons!

Getal trefwoorde vandag: 3 449

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

kintsugi s.nw. [geen meervoud] (Japannees) ◌ Ook kintsoegi ◌ Japannese kunsvorm waarby ’n gebreekte voorwerp herstel word deur die stukke met goud of ’n ander edelmetaal te las, of die lasplekke met ’n edelmetaal te versier: › Soos met kintsoegi, die Japanse manier om bladgoud te gebruik om krake of lasse in potte mee te beklemtoon, gebruik Jo [’n kunstenaar wat met klei werk] goud om breekbaarheid uit te lig (Johan Myburg, Taalgenoot, Lente 2023). › Kintsugi is een van die tegnieke in berading. “Ons gebruik die konsep van ’n gebreekte vaas. Die krake word met goue verf beklemtoon. Die simboliek is dat ons almal gebroke is, maar daar is heelheid in imperfeksie (Nicoleen Smit, Noordkaap Bulletin, 13 April 2023). › Jy kan weer jou stukke bymekaarsit, amper soos die Japannese kunsvorm kintsoegi waar die skerwe van gebreekte keramiek-items met vloeibare goud of silwer gelas word en die littekens van die herstelde kunswerk selfs mooier maak as voor dit gebreek het (Trisa Hugo, Rapport, 27 Maart 2022). › lemand sit ’n YouTube-video op oor kintsugi [...] Dit gaan oor die Japannese kuns om gekraakte breekgoed reg te maak met ’n mengsel van gom en goud. Dis ’n diep video. Oor die omhelsing van gebrokenheid en Hemingway wat skryf hoe die lewe almal iewers breek en hoe ons sterk word in ons gelapte “broken places” (Karen Brynard, Tuis, 14 Februarie 2020).

Let wel
As ’n soekwoord nie as trefwoord opgeneem is nie, word voorbeelde van die woord in ander artikels vertoon, indien dit voorkom. Soek dan met CTRL-F om sulke voorbeelde op jou rekenaarskerm uit te lig.

Please note
This dictionary mainly contains words, meanings and expressions that have not yet been included in other Afrikaans dictionaries, together with a collection of language columns, blogs, video inserts and podcasts. If a search word is not included as a headword, examples of the word in other entries (definitions, usage examples, usage notes, etc) are displayed, if they occur. Then search with CTRL-F to highlight such examples on your screen.

Rubrieke en podsendings van 2024

“Ek doen” (Netwerk24)

Afrikaans is ’n steentjie in die Afrikamosaïek (Netwerk24)

Luister mooi, stilbly is ook ’n antwoord (Netwerk24)

Die bouwerk wat ons help uitstyg (Netwerk24)

Dikdood of op ’n wilde perd die nuwe jaar in (Netwerk24)

Soek met spesiale karakters

Simbool	Funksie	Voorbeeld
"..."	Frase	"ten opsigte van"
_	Een ontbrekende karakter	cal_one
%	Enige aantal ontbrekende karakters	ka%abidiol
/1-9	Binne dié getal woorde van mekaar, in dié volgorde	"wat lei"/7
@1-9	Binne dié getal woorde van mekaar, in enige volgorde	"wat lei"@7
&	Vind al twee	virus & epidemie
\|	Vind die een of die ander	virus \| epidemie
#	Vind die een of die ander, maar nie al twee nie	virus # epidemie

Hierdie woordeboek is aan geen ander woordeboekprojek verbonde nie en word deur niemand geldelik gesteun nie. Dit is ’n onafhanklike inisiatief van die redakteur in haar vrye tyd.